बाँसखर्क गरिबि निवारण बहुउद्देश्यीय सहकारी संस्था लिमिटेड पाँचपोखरी थाङपाल -१ को छैठौं औं बार्षिक साधारणसभा सम्पन्न तथा दोस्रो अधिवेशन सम्पन्न भएको छ ।
अधिवेशनबाट बुद्धनारायण श्रेष्ठको अध्यक्षतामा ९ सदस्यीय सन्चालक समिति चयन गरिएको छ । समितिको मनिष ग्राङदेन उपाध्यक्ष प्रदीप दोङ सचिव ,आइति तामाङ ,कोषाध्यक्ष सदस्यहरुमा शेरबहादुर ब्लोन न्हेमा स्याङ्बो न्हेमा थिङ विद्या बि क सम्झना श्रेष्ठ रहनुभएको छ ।
कार्यक्रममा २७ जना जेष्ठ नागरिकलाई हर्लिक्स वितरण गरिएको साथै २ जना असल बचतकर्ता २ जना असल कारोबारीलाई सम्मान गरिएको सहकारीका व्यवस्थापक गणेश विकले जानकारी दिनुभयो।
कार्यक्रमको उद्घाटन गर्नुहुँदै वडा अध्यक्ष आलोककुमार स्याङबोले यस वडाको समाजिक, राजनीतिक र स्थानीयको जीवनस्तर सुधार्न सहकारीले महत्त्वपूर्ण भुमिका खेलेको बताउनुभयो ।
उहाँले सहकारीको विकासको लागि सक्दो सहयोग गर्ने प्रतिबद्धता समेत व्यक्त गर्नुभयो ।कार्यक्रममा आर्थिक प्रतिबेदन सहकारीका व्यवस्थापक गणेश बिकले प्रस्तुत गर्नुभयो । सहकारीमा ४५३ सदस्य रहेको बिकले बताउनुभयो । कार्यक्रममा अन्य जनप्रतिनिधि ,बुद्धिजिवि लगायतको उपस्तिथि रहेको थियो । कार्यक्रम सहकारीका अध्यक्ष बुद्धनारायण श्रेष्ठको अध्यक्षतामा सप्पन्न भएको थियो ।
