काठमाडौ ।
नेपाली महावाणिज्यदूत लक्ष्मी प्रसाद निरौलाले चिनको तिब्बत (शिजाङ) स्वायत्त क्षेत्रको ६०औँ वार्षिकोत्सवको अवसरमा शुभकामना सन्देश पठाएका छन्। उनले नेपाल सरकार र नेपाली जनताको तर्फबाट ऐतिहासिक दिनमा हार्दिक बधाई दिँदै चीनका राष्ट्रपति सी जिनपिङको ‘गहिरो ज्ञान र प्रगतिशील मार्गदर्शन’ को प्रशंसा गरेका छन्।
सन्देशमा निरौलाले विगत छ दशकमा शिजाङले गरेको उल्लेखनीय प्रगति, सामाजिक विकास, सांस्कृतिक संरक्षण र विभिन्न जातीय समुदायबीचको एकतालाई ‘साझा सपनाको रङीन गाथा’ भनेर वर्णन गरेका छन्। उनले ल्हासामा नेपाली काउन्सुल जनरलको हैसियतमा विकास र सद्भाव देख्न पाउनु गौरवको कुरा भएको बताए।
‘नेपाल, दीर्घकालीन मित्र र छिमेकीको रूपमा, यी उपलब्धिहरूमा गर्व गर्छ र द्विपक्षीय सम्बन्ध सुदृढ पार्ने गहिरा सहयोगका बन्धनलाई मूल्य दिन्छ,´ सन्देशमा भनिएको छ। उनले यस अवसरलाई ‘सामाजिकतावादी नयाँ शिजाङको जीवित आत्मा’ अनुभव गर्ने अमूल्य मौका भनेका छन्।
निरौलाले चीनको शिजाङ स्वायत्त क्षेत्र अझ उचाइमा पुग्ने र नेपाल–शिजाङबीचको मित्रता र सहकार्यको सम्बन्ध अझ बलियो हुने विश्वास लिएका छन् ।
