काठमाडौं । सूचना, प्रविधि कार्यक्रमका लागि आएको बजेट हिनामिना गरेको भन्दै स्याङ्जाको शिशु कल्याण माविका तत्कालीन प्रधानाध्यापकसहित ३ जनाविरुद्ध भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगले विद्यालयका तत्कालीन प्रधानाध्यापक रविलाल लुईटेल, तत्कालीन लेखापाल छविलाल गाहा र विद्यालय व्यवस्थापन समितिका तत्कालीन अध्यक्ष राम थापाविरुद्ध आइतबार भ्रष्टाचार मुद्दा दायर गरेको हो ।
